Dünya

Aİ İsveçrəni Şengen zonasından çıxarmaqla hədələyib

15 May 2022 10:52
0 Şərh     Baxış: 803
VTB-də minimal faiz dərəcəsi ilə nağd kredit 9.9%-dən

Avropa İttifaqı (Aİ) Xarici Sərhədlərin Təhlükəsizliyi Agentliyinə (Frontex) əlavə məbləğin ödənilməsini dəstəkləməyəcəyi təqdirdə İsveçrəni Şengen zonasından çıxarmaqla hədələyib.

Milli.Az Trend-ə istinadən bildirir ki, bu barədə "The Telegraph" qəzeti yazır.

Mayın 15-də İsveçrədə referendum keçiriləcək və bu referendum zamanı ölkə vətəndaşları Frontex-in maliyyələşdirilməsində gələcək iştirakla bağlı qərar verəcəklər. Referendumun təşkilatçıları olan Sosial Demokratlar və Yaşıllar Partiyası alyansının fikrincə, "Fronteks"in həyata keçirdiyi miqrasiya siyasəti həddən artıq sərtləşir və belə bir təşkilata maddi dəstək vermək olmaz..

Aİ 2015-ci il miqrasiya böhranından sonra Frontex işçilərinin sayını artırmağı planlaşdırır ki, bu da İsveçrənin Şengen zonasının sərhədlərini qoruyan quruma ödəmələrinin artmasına səbəb olacaq. 2016-cı ildən Frontex Avropa Sərhəd və Sahil Mühafizəsi xidməti kimi fəaliyyət göstərir.

Brüssel, Bernin Frontex ödənişini 2021-ci ildəki 19,5 milyon funt-sterlinqdən 2027-ci ildə 49,5 milyon funt-sterlinqədək artıracağını gözləyir. Aİ həmçinin İsveçrənin agentliyə altı yox, 40 sərhədçini ezam edəcəyini gözləyir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.