Dünya

Avropada tank-dronun prototipi hazırlanıb - FOTO

20 Fevral 2022 19:05

0 Şərh Baxış: 744

VTB-də minimal faiz dərəcəsi ilə nağd kredit 10.49%-dən

Polşanın Dronehub kompaniyası Avropa layihəsi çərçivəsində yerdə tirtıl lentlə hərəkət edən Huuver tank-dronun prototipini hazırlayıb.

Milli.Az AZƏRTAC-a istinadən bildirir ki, bu barədə New Atlas internet portalı məlumat yayıb.

Məlumata görə, aparatın uzunluğu 137 santimetr, eni 84, hündürlüyü isə 56 santimetrdir. Huuver yerdə özünün bir cüt tirtıl lenti üzərində hərəkət edir. Litium batareya bir doldurmada onun verilən tapşırığı 10 saatadək yerinə yetirməsinə imkan yaradır. Huuver havaya tirtıl lentlərin arasında yerləşən səkkiz üfüqi pərin köməyi ilə qalxır. Aparat bir doldurmada 20 dəqiqəyədək uça bilir.

Dronun operatorları onu real zaman rejimində idarə edə bilirlər, lakin qurğu avtonom uçuşlar etmək imkanına da malikdir. Bundan başqa, pilotsuz aparat sensorlar vasitəsilə öz yolu üzərindəki maneələri aşkarlaya və onlardan yan keçə bilir.

Milli.Az