Dünya

Boris Consonun rəqsi qalmaqala səbəb oldu - VİDEO

15 Yanvar 2022 15:30
0 Şərh     Baxış: 1 577
VTB-də minimal faiz dərəcəsi ilə nağd kredit 9.9%-dən
#VİDEO

Sosial şəbəkələrdə Böyük Britaniyanın Baş naziri Boris Consonun rəqs etdiyini əks etdirən görüntülər yayılıb. 

Milli.Az "Qafqazinfo"ya istinadən xəbər verir ki, nə zaman çəkildiyi dəqiq bilinməsə də, görüntülər ölkə ictimaiyyətində kəskin etirazlara səbəb olub. Belə ki, son zamanlar siyasətçinin karantin qaydalarına əməl etməməsi ilə bağlı qalmaqal yaranıb və bu səbəbdən Consonun əylənməsi ilə bağlı növbəti video qınanılıb. 

Videodan Boris Consonun London Assambleyasının keçmiş üzvü Janett Arnoldla rəqs etdiyini görmək mümkündür. "Huff Post" nəşrinin jurnalisti Henri Dayer isə bu videonun 2013-cü ildə Boris Consonun Londonun meri olduğu dövrdə çəkildiyini ehtimal edir. 

Xatırladaq ki, bundan əvvəl Boris Consonun ofisi kraliça II Yelizavetadan əri, hersoq Filip Mauntbettenin dəfnindən bir gecə əvvəl keçirilən ziyafətə görə rəsmi üzr istəyib. Boris Conson isə 2020-ci ilin mayında lokdaun dövründə keçirilən şənliklərə görə ictimaiyyətdən üzr istəmişdi.

Milli.Az 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.