Dünya

Türkiyənin sayəsində... - Rəcəb Tayyib Ərdoğan

14 Yanvar 2022 08:51
0 Şərh     Baxış: 834
VTB-də minimal faiz dərəcəsi ilə nağd kredit 9.9%-dən

Türkiyə Avropa İttifaqı ilə fəal dialoqun tərəfdarıdır. Bununla belə, Ankara ilə əməkdaşlıq, o cümlədən Türkiyənin Aİ-yə daxil olması ilə bağlı danışıqları ləngitmək üçün addımlarla üzləşirik.

Trend yerli KİV-lərər istinadən xəbər verir ki, bunu Türkiyə Prezidenti Rəcəb Tayyib Ərdoğan Ankaradakı Çankaya iqamətgahında Aİ ölkələri səfirləri ilə görüşdə deyib.

R.T.Ərdoğan həmçinin koronavirus pandemiyasının fəsadlarına diqqət çəkib: "Təəssüf ki, pandemiya sayı 8,5 milyard insan olan bəşəriyyəti nəinki bir aray gətirmədi, hətta dünyada parçalanmanı və ədalətsizliyi daha da dərinləşdirdi. Avropa İttifaqı ölkələrində mənfi tendensiyalar daha da sürətlənib. Ksenofobiya və İslamofobiya hallarının sayı artıb".

Ölkə başçısı Türkiyəni Avropanın bir çox problemlərinin həlli üçün "açar ölkə" adlandırıb.

"Türkiyə və Aİ sərhədlərində yaranan problemlər həll edilmədən miqrasiya böhranı həll edilə bilməz. Avropa qitəsindəki vəziyyəti obyektiv təhlil edən hər kəs bu gün Aİ ölkələrinin üzləşdiyi problemlərin həllinin açarının Türkiyə olduğunu dərk edir və etiraf edir. Türkiyənin sayəsində miqrasiya böhranının miqyası, həmçinin terror təhlükəsi və sabitliyin pozulması səviyyəsi azalıb", - R.T. Ərdoğan əlavə edib.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.