Dünya

“Taliban” və Türkmənistan sərhədçiləri arasında silahlı insident baş verib

3 Yanvar 2022 22:55
0 Şərh     Baxış: 873
VTB-də minimal faiz dərəcəsi ilə nağd kredit 10.49%-dən

"Taliban" və Türkmənistan sərhədçiləri arasında dövlət sərhədində silahlı toqquşma baş verib.

Milli.Az APA-ya istinadən bildirir ki, bu barədə Əfqanıstanın "Hasht-e subh" qəzeti məlumat yayıb.

Əfqanıstanın şimalında yerləşən Cuzcan əyalətinin informasiya və mədəniyyət şöbəsinin rəhbəri Hilal Bəlxi bildirib ki, hadisə 3 gün əvvəl olub: "Üç gün əvvəl Türkmənistanın sərhəd xidmətinin əməkdaşları bir mülki şəxsi öldürüb, digərini isə döyüb.

"Taliban" döyüşçüləri insidentin araşdırılması zamanı onların hərəkətlərinə cavab olaraq atəş açıblar".

Hadisənin digər təfərrüatları barədə məlumat verilməyib.

Qeyd edək ki, Türkmənistan sərhədçiləri ilə "Taliban" arasında atışma bazar ertəsi səhər Cuzcan vilayətinin Həmab rayonunda baş verib.

Xatırladaq ki, ötən ilin dekabrında Əfqanıstan-İran və Əfqanıstan-Pakistan sərhədlərində də "Taliban" silahlıları ilə oxşar hadisələr baş verib.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.