Türkiyə

Türkiyənin ən yaxşı universitetlərinin siyahısı açıqlandı

8 Yanvar 2026 08:08
Baxış: 2 670
VTB-də minimal faiz dərəcəsi ilə nağd kredit 9.9%-dən
#UNİVERSİTET

Türkiyənin ən yaxşı universitetlərini müəyyən edən URAP (University Ranking by Academic Performance) 2025-2026-cı il üzrə hesabatını təqdim edib. Akademik göstəricilər, elmi məqalələrin sayı və təhsilin keyfiyyəti əsasında hazırlanan siyahıda bu il sürpriz yerdəyişmə qeydə alınıb.

Milli.Az xəbər verir ki, uzun müddətdir zirvədə olan Orta Şərq Texniki Universitetini (ODTÜ) geridə qoyan Koç Universiteti Türkiyənin ən yaxşı universiteti seçilib.

Siyahının ikinci pilləsində ODTÜ, üçüncü pilləsində isə Hacettepe Universiteti qərarlaşıb.

İlk onluqda həm köklü dövlət universitetləri, həm də sürətlə inkişaf edən vəqf (özəl) universitetləri yer alıb.

Siyahı hazırlanarkən universitetlərin beynəlxalq elmi jurnallarda dərc olunan məqalələri, həmin məqalələrə edilən istinadlar, doktorantura məzunlarının sayı və xarici layihələrdə iştirakı əsas götürülüb.

İlk 10-luğa daxil olan universitetlər:
Koç Universiteti

Orta Şərq Texniki Universiteti (ODTÜ)

Hacettepe Universiteti

İstanbul Texniki Universiteti (İTÜ)

Ankara Universiteti

Sabancı Universiteti

Bilkent Universiteti

Ege Universiteti

Qazi Universiteti

İstanbul Universiteti

Hesabatda qeyd olunur ki, Türkiyə universitetləri yerli reytinqdə irəliləsələr də, dünya üzrə ilk 500-lükdə yer almaq üçün akademik araşdırmaların keyfiyyətini daha da artırmalıdırlar.

Lalə Qüdrətova
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.