Türkiyə

Türkiyədə FETÖ əməliyyatı - 223 nəfər saxlanıldı

6 Yanvar 2026 10:40

Baxış: 903

VTB-də minimal faiz dərəcəsi ilə nağd kredit 9.9%-dən

#TÜRKİYƏ #FETÖ

Türkiyədə FETÖ-nü hədəf alan əməliyyatlarda 20 gün ərzində 223 şübhəli saxlanılıb.

Milli.Az xəbər verir ki, Türkiyə Daxili İşlər naziri Əli Yerlikaya təhlükəsizlik qüvvələrinin son 20 gündə Fətullahçı Terror Təşkilatına (FETÖ) qarşı keçirdiyi əməliyyatlarda 223 şübhəlinin tutulduğunu, onlardan 87-sinin həbs olunduğunu açıqlayıb.

Yerlikaya sosial media hesabında verdiyi açıqlamada son 20 gündür davam edən FETÖ-yə qarşı polis əməliyyatları barədə məlumat verib.

Yerlikaya əməliyyatlar zamanı FETÖ-nun "məxfi strukturları" daxilində fəaliyyət göstərdiyi, təşkilatın şifrələnmiş rabitə proqramı ByLock-dan istifadə etdiyi, təşkilat daxilindəki şəxslərlə taksofonlar vasitəsilə əlaqə saxladığı və təşkilatla əlaqəli müəssisələr vasitəsilə maliyyə dəstəyi göstərdiyi müəyyən edilmiş 223 şübhəlinin həbs olunduğunu bildirib. O, əlavə edib ki, şübhəlilərdən 87-si həbs olunub və onlardan 50-sinə məhkəmə nəzarəti tədbirləri tətbiq edilib.

Milli.Az