Türkiyə

Papanın İznik səfərinin arxasında nə durur? - İllər öncə "Kurtlar Vadisi"ndə deyilmişdi - VİDEO

30 Noyabr 2025 21:41

Baxış: 2 090

VTB-də minimal faiz dərəcəsi ilə nağd kredit 9.9%-dən

#VİDEO #TÜRKİYƏ #İTALİYA #KURTLAR VADİSİ

İznikdə yerləşən Aziz Neofitos Bazilikası bundan düz 1700 il əvvəl xristianlıq tarixinin ən mühüm toplantılarından birinə - Ekümenik Konsilə ev sahibliyi etmişdi. Həmin məclisdə kilsənin iman əsaslarını müəyyən edən, kilsə içində qəbul edilən, kilsə xaricində isə rədd edilən iman etirafı rəsmən qəbul olunmuşdu.

Milli.Az xəbər verir ki, məhz bu şurada günümüzdə bütün dünyada tanınan Ata-Oğul-Müqəddəs Ruh üçlüyü xristian inancının əsas sütunu kimi təsdiqlənib.

Arxeoloji araşdırmalar nəticəsində bazilikanın altında xristianlıqdan əvvəlki dövrə aid bir pagan məbədinin qalıqları aşkarlanıb. Eyni ərazidə qədim qəbir yerləri də tapılıb. Bu da məkanın min illərdir müxtəlif dini mərasimlərə və inanclara şahidlik etdiyini göstərir.

Xristianlıqda 17 rəqəmi "ruhsal mükəmməllik" və "qələbə" ilə əlaqələndirilir. Numerologiyada isə bu rəqəm "ruhsal oyanış və maariflənmə yolunun başlanğıcı" kimi qəbul edilir.

Maraqlı məqamlardan biri də odur ki, əvvəlki papanın ölümündən əvvəl belə bir ifadə işlətməsi iddia edilir:

"Məndən sonra papa kim olarsa, 2025-ci ildə mütləq İzniki ziyarət etsin."

Bu sözlər də hazırkı papanın İznik səfəri ilə bağlı sualları daha da artırır.

İddialara görə, aşağıdakı məqamlar səfər ətrafındakı şübhələri gücləndirir:

Şuranın 1700-cü ildönümü
Bazilikanın altında yerləşən qədim pagan məbədi
Maslakda "seçilmiş şəxslər" üçün təşkil edildiyi iddia edilən 6500 nəfərlik ayin
"Kurtlar Vadisi" serialında illər əvvəl İzniklə bağlı simvolik səhnələrin işlənməsi

Bu elementlərin bir araya gəlməsi, papanın sadəcə "dua mərasimi" üçün deyil, daha fərqli bir ritual planladığı iddialarını gündəmə gətirir.

Lalə Qüdrətova
Milli.Az