Türkiyə

Türkiyə şəhidlərini son mənzilə yola saldı - FOTOlar

14 Noyabr 2025 19:34

Baxış: 1 355

VTB-də minimal faiz dərəcəsi ilə nağd kredit 9.9%-dən

#TÜRKİYƏ #QƏZA

Gürcüstanda qəzaya düşən hərbi nəqliyyat təyyarəsində şəhid olan türk hərbçiləri bu gün doğulduqları şəhərlərdə son mənzilə yola salınıb.

Milli.Az xəbər verir ki, Hava Qüvvələrinə məxsus C-130 tipli hərbi yük təyyarəsi 11 noyabr tarixində Azərbaycan-Gürcüstan sərhəddi yaxınlığında qəzaya uğrayıb. Qəza nəticəsində təyyarədə olan 20 hərbçi şəhid olub.

Şəhidlərin nəşləri bu gün müxtəlif şəhərlərdə keçirilən mərasimlərlə torpağa tapşırılıb.

Şəhidlər üçün ilk olaraq Ankarada rəsmi mərasim keçirilib, daha sonra nəşlər hərbi təyyarələrə qoyularaq doğma şəhərlərinə göndərilib.

Mərasimə yüksək vəzifəli şəxslər TBMM sədri Numan Kurtulmuş, Milli Müdafiə naziri Yaşar Güler, Ailə və Sosial Xidmətlər naziri Mahinur Özdemir Göktaş, TSK komandanlığı, Ankara valisi Vasip Şahin, Azərbaycan Hava Qüvvələri Komandanı general-mayor Namiq İslamzadə, Azərbaycanın Ankara səfiri Rəşad Məmmədov və şəhid ailələri qatılıb.

Şəhidlərdən 19 nəfəri bu gün öz şəhərlərində dəfn edilib. Yalnız Hava Pilot Yarbay Gökhan Korkmazın dəfn mərasimi 15 noyabr şənbə günü İstanbulda keçiriləcək.

Lalə Qüdrətova
Milli.Az