Türkiyə

Müstəntiqlər qəzanın 2 əsas səbəbini AÇIQLADI

12 Noyabr 2025 00:16
Baxış: 4 308
VTB-də minimal faiz dərəcəsi ilə nağd kredit 9.9%-dən
#AVİAQƏZA

️Türkiyənin qəzaya uğrayan hərbi karqo təyyarəsi ilə bağlı bir sıra detallar məlum olub.

Milli.Az xəbər verir ki, təyyarə havaya qalxmazdan əvvəl təxminən iki saat Gəncə hava limanında qalıb. Bu müddət ərzində ekipaj zəruri texniki baxış və hazırlıq işləri aparıb. 

Üçüncü şəxslərin təyyarəyə yaxınlaşmasına icazə verilməyib və bütün təhlükəsizlik qaydalarına riayət olunduğu bildirilir.

Təyyarə 8 noyabr - Zəfər Günü münasibətilə Bakıda keçirilən hərbi paradda iştirak etmiş F-16 qırıcılarının texniki xidmətinə cavabdeh olan Türkiyə Hərbi Hava Qüvvələri heyətini və həmin təyyarələr üçün ehtiyat hissələrini daşıyırmış.

Göyərtədə partlayıcı maddə olmayıb və qalıqlar üzərində xarici müdaxilə və ya partlayış izləri aşkarlanmayıb.

İstintaq orqanları qəzanın iki əsas səbəbi üzərində dayanır: Birinci versiya təyyarənin yaşına aiddir. Belə ki, C-130 artıq 50 ildən çox istismarda olub, son əsas texniki baxışı isə 2020-ci ildə keçirilib. Mütəxəssislər hesab edirlər ki, korroziya və ya metal yorğunluğu uçuş zamanı konstruktiv sıradan çıxmaya səbəb ola bilər. İkinci ehtimal yüklənmə prosesilə bağlıdır. Belə ki, yük təyyarələrində düzgün sabitlənməyən yüklər uçuş zamanı yerini dəyişərək balansın pozulmasına, vibrasiyaya və nəticədə konstruksiyanın zədələnməsinə səbəb ola bilər.

Təyyarənin "qara qutusu" açıq sahədə tapılıb. Qurğu təhlil üçün göndəriləcək və nəticələr araşdırma başa çatdıqdan sonra ictimaiyyətə açıqlanacaq.  ("AnewZ")

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.