Türkiyə

Türkiyədən Netanyahu və digər 37 israilli rəsmiyə qarşı həbs qərarı

8 Noyabr 2025 01:02

Baxış: 1 354

VTB-də minimal faiz dərəcəsi ilə nağd kredit 9.9%-dən

#TÜRKİYƏ #İSRAİL

İstanbul Cumhuriyyət Baş Prokurorluğu İsrailin Qəzza bölgəsində həyata keçirdiyi hərbi əməliyyatlar və "Küresel Sumud Filosu"na qarşı hücumlarla bağlı aparılan istintaq çərçivəsində, İsrailin Baş naziri Benyamin Netanyahu da daxil olmaqla 37 yüksək vəzifəli şəxs barəsində "soyqırım" və "insanlığa qarşı cinayətlər" ittihamları ilə həbsə alınma məqsədli axtarış qərarı verib.

Milli.Az xəbər verir ki, axtarış qərarı çıxarılan şəxslər arasında İsrail Baş naziri Binyamin Netanyahu, Müdafiə naziri Yisrael Katz, Sərhəd Təhlükəsizliyi naziri İtamar Ben Qvir, Baş Qərargah rəisi Eyal Zamir və Hərbi Dəniz Qüvvələri Komandanı David Saar Selama da yer alır.

Baş Prokurorluğun açıqlamasında qeyd edilir ki, İsrail ordusunun Qəzza zolağında sistemli şəkildə həyata keçirdiyi hücumlar nəticəsində minlərlə mülki şəxsin, o cümlədən qadın və uşaqların həyatını itirdiyi, çox sayda yaşayış məntəqəsinin dağıdıldığı, xəstəxanalar və humanitar obyektlərin hədəf alındığı sübuta yetirilib.

Bildirilib ki, xüsusilə 7 oktyabr 2023-dən bəri hücumların artdığı, 17 oktyabr 2023-də Əl-Əhli Baptist Xəstəxanəsinə edilən zərbə nəticəsində 500-dən çox insanın öldüyü, humanitar yardımın qarşısının alındığı və Qəzzanın mühasirəyə alındığı beynəlxalq ictimaiyyətin diqqətinə çatdırılıb.

Bundan əlavə, Qəzzaya humanitar yardım çatdırmağı hədəfləyən "Küresel Sumud Filosu"nda iştirak edən aktivistlərə qarşı edilən müdaxilələrlə bağlı da istintaq davam edir. Flotiliyada tutulan şəxslərin ifadələrinin alındığı və tibbi ekspertizadan keçirildikləri bildirilib.

Prokurorluq qeyd edib ki, istintaq çoxşaxəli şəkildə davam edir və məsul şəxslərin beynəlxalq hüquq çərçivəsində cavab verməsi üçün hüquqi prosedurlar həyata keçirilir.

Lalə Qüdrətova
Milli.Az