Türkiyə

Türkiyə ciddi təhlükə ilə üz-üzə - “Bütün heyvanlara yayılıb”

5 Avqust 2025 15:38

Baxış: 1 451

VTB-də minimal faiz dərəcəsi ilə nağd kredit 9.9%-dən

#XƏSTƏLİK #HEYVANLAR

Türkiyənin Qars və Ərdahan əyalətlərində başlayan və daha sonra Artvinin Şavşat və Ardanuç rayonlarına yayılan dabaq xəstəliyi bölgədə həm heyvandarlığı, həm də iqtisadiyyatı təhdid edir.

Milli.Az xəbər verir ki, yoluxucu xəstəlik nəticəsində yüzlərlə mal-qarada ağız, yelin və dırnaq nahiyələrində yaralar yaranıb. Fermerlər müalicənin təsirsiz olduğunu, dərman çatışmazlığı yaşadıqlarını və hökumətin tədbir görməkdə gecikdiyini bildirirlər.

Fermer Beşir Dursun bildirib ki, xəstəlik əvvəlcə bir neçə heyvanda müşahidə olunsa da, qısa zamanda bütün yayla boyunca yayılıb:

"İndi demək olar ki, hər heyvan xəstədir. Antibiotik, yod və buz kompresləri ilə müalicəyə çalışırıq, amma təsiri yoxdur. Əgər dil zədələnibsə, bu ölümcül ola bilər".

Fermerlər Kənd Təsərrüfatı və Meşə Nazirliyinin vaxtında müdaxilə etmədiyini deyirlər.

Fidan
Milli.Az