Türkiyə

Türkiyə 40 illik fəlakətdən xilas olur

9 May 2025 14:50
Baxış: 1 589
VTB-də minimal faiz dərəcəsi ilə nağd kredit 9.9%-dən
#DÜNYADA #TÜRKİYƏ #TERROR

Türkiyədə uzun illərdir terror fəaliyyəti ilə tanınan PKK terror təşkilatı 5-7 may tarixlərində 12-ci qurultayını keçirib. Qurultayda "tarixi əhəmiyyətə malik qərarların" qəbul edildiyi bildirilib.

Milli.Az Türkiyə mətbuatına istinadən xəbər verir ki, qurultaydan əvvəl DEM Partiyasının sözçüsü Ayşəgül Doğan tərəfindən verilən açıqlamada, "PKK-nın qurultay topladığını elan etməsi an məsələsidir. Bu, əhəmiyyətli bir addımdır və sonrakı mərhələ də önəmli olacaq" sözləri yer alıb.

Qısa müddət sonra PKK-nın rəsmi kanalları vasitəsilə qurultayın keçirildiyi və önəmli qərarların alındığı elan edilib.

Təşkilatın yaydığı açıqlamada bildirilir:

"PKK 12-ci Qurultayı 5-7 may tarixlərində uğurla keçirildi. Qurultay, bütün fəaliyyət sahələrini təmsil edən nümayəndələrin iştirakı ilə iki paralel platformada təşkil olundu. Abdullah Öcalanın qurultaya təqdim etdiyi baxış və təkliflər oxunaraq müzakirə edildi. Həmçinin PKK Mərkəzi Komitəsinin hesabatı da dinlənilərək qiymətləndirildi. Bu çərçivədə PKK-nın fəaliyyətinə dair tarixi əhəmiyyətli qərarlar qəbul olundu".

Məlumatda həmçinin qeyd edilir ki, PKK sıralarında uzun illər yer almış və təşkilatın siyasi xəttinin formalaşmasında aktiv rol oynamış Sırrı Süreyya Öndər də anılıb. Onun barış və demokratik cəmiyyət üçün göstərdiyi səylər vurğulanıb.

PKK tərəfindən verilən son açıqlamada bildirilir ki, qurultay nəticələri və qəbul edilən qərarlarla bağlı ətraflı məlumat yaxın günlərdə ictimaiyyətlə paylaşılacaq.

Kənan
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.