Ərdoğan Fülya Öztürkü təltif etdi

Türkiyə Prezidenti Rəcəb Tayyib Ərdoğan, 10-cu Anadolu Media Mükafatları proqramında çıxış edərək, əlinə mikrofon alan hər kəsin jurnalist sayıla bilməyəcəyini vurğulayıb və "Xalqı təhrik edən jurnalist ola bilməz. Küçədə xalqımız açıq şəkildə təxribatla qarşı-qarşıyadır" deyə bildirib.

Milli.Az Türkiyə mətbuatına istinadən xəbər verir ki, CNN TÜRK xüsusi xəbərlər şöbəsinin rəhbəri Fulya Öztürk ilin müxbiri seçilib.

Prezident Ərdoğan Beştəpədə keçirilən mərasimdə etdiyi çıxışında bu sözləri deyib:

"Əlinə bir mikrofon, bir də kamera alanın özünü jurnalist və ya müxbir kimi təqdim etdiyi bir ölkədə yaşayırıq. Son günlərdə müşahidə etdiyimiz kimi, bu şəxslər xüsusilə küçə müsahibəsi adı altında küçələrdə demək olar ki, terror estetikası yaradır. Mikrofonu ələ keçirənlər xalqı təhqir etməyə cəsarət göstərir. Xalqın düşüncəsini öyrənmək əvəzinə, təxribat xarakterli suallar və təhqiredici üslubla xalqımız açıq şəkildə təhrik edirlər."

Ərdoğan əlavə edib:

"Necə ki, cübbə geyinən hər kəs hakim, prokuror və ya vəkil olmur, necə ki, forma geyinən hər kəs polis və ya əsgər sayılmırsa, əlinə mikrofon və kamera alıb küçəyə çıxan hər kəs də jurnalist deyil, mətbuat işçisi deyil.

Xalqı təhrik edən, insanımıza təhqir edən jurnalist ola bilməz, olsa belə, ona jurnalist demək olmaz. Pul qazanmaq və ya bir neçə klik daha çox almaq kimi bəhanələri qəbul edə bilmərik. Xalqa hörməti olmayanın gördüyü işə də hörməti olmaz."

Prezident Ərdoğanın çıxışından sonra 10-cu Anadolu Media Mükafatlarının sahibləri elan olunub.

Yeni Akit qəzetinə "İlin İnternet Xəbər Saytı" mükafatı təqdim olunub. Mükafatı qəzetin Baş redaktoru Murat Alan Prezident Ərdoğanın əlindən alıb.

10-cu Anadolu Media Mükafatları sahibləri:

İlin Mədəniyyət Kanalı: Vav TV

İlin Ankara Nümayəndəsi: Ahmet Ergen (NTV)

İlin İdman Proqramı: Haber Global - Kontra (Nihat Kahveci)

İlin Müxbiri: Fulya Öztürk (CNN TÜRK)

İlin Yerli Xəbər Televiziyası: TV Kayseri

İlin Qəzet Ankara Nümayəndəsi: Kadir Yıldız (Türkgün)

İlin Köşə Yazarı: Yücel Koç (Türkiye Qəzeti)

İlin İnternet Xəbər Saytı: yeniakit.com.tr

Lalə Qüdrətova
Milli.Az