Türkiyə

İş adamından 600 min istəyib evini atəşə tutdular - FOTO

18 Aprel 2025 17:19

Baxış: 1 505

VTB-də minimal faiz dərəcəsi ilə nağd kredit 9.9%-dən

#HADİSƏ #KRİMİNAL #TÜRKİYƏ #CİNAYƏT

Türkiyədə Beykozda bir iş adamının evini atəşə tutulub.

Milli.Az Türkiyə mətbuatına istinadən xəbər verir ki, "600 min avro borcunu ödə" deyərək ölüm təhlükəsi ilə hədələyən 3 şübhəli polis tərəfindən film kimi bir əməliyyatla yaxalanıb.

Əməliyyat zamanı Beyoğlunda damdan-dama atlayaraq qaçmağa çalışan şübhəlilərdən biri saatlarca davam edən əməliyyatın ardından gizləndiyi tavanda tapılıb.

Şübhəlilərin evə atəş açmağa gəldikləri və hadisədən sonra qaçdıqları anlar təhlükəsizlik kameralarına yansıyıb.

Hadisəyə gəldikdə isə bir bina kimliyi müəyyən edilə bilməyən şəxslər tərəfindən atəşə tutulmuşdu. Zərərçəkənlərdən Ç.B. mənzilinin hamam otağında güllə tapıldığını və heç kəslə düşmənçilik yaşamadığını söyləyib. Eyni binada yaşayan digər zərərçəkən İ.Y. isə atəş açılmadan əvvəl tanımadığı bir şəxsin onu telefonla yığdığını və "G.E. adlı şəxsin 600 min avro borcun var. Bu borcu ödəməsən, gəlib başından vuracam" deyə hədələdiğini bildirib.

Başladılan araşdırmada polis komandaları təhlükəsizlik kamerası görüntülərini incələyərək şübhəlilərin bir avtomobillə hadisə yerinə gəldiklərini, ərazidə kəşfiyyat apardıqlarını və sonra binaya atəş açaraq piyada şəkildə qaçdıqlarını müəyyən edib. Bu görüntülərin izini sürən polis qüvvələri hadisəyə qarışan şübhəliləri müəyyən edərək, Beyoğlu, Esenyurt, Eyüpsultan, Şişli və Sarıyerdə eyni anda əməliyyatlar keçirib və 3 şübhəli saxlanılıb.

Onlar S.S. (28), H.Y. (26) və B.A. (18), Qasp Büro Amirliyində dindirilib. Şübhəlilərin polisdə əvvəldən müxtəlif cinayətlərdən 14 qeydi olan B.A. olduğu bildirilib. Saxlanılar barədə hüquqi əməliyyatlar tamamlandıqdan sonra iş məhkəməyə göndərilib. H.Y. və B.A. həbs olunaraq cəza evinə göndəriliblər, S.S. isə məhkəmə nəzarətində sərbəst buraxılıb.

Hüseyn
Milli.Az