Türkiyə

İmamoğlunun kadrı tutuldu - qaçmaq istəyirdi

21 Mart 2025 13:24

Baxış: 802

VTB-də minimal faiz dərəcəsi ilə nağd kredit 10.49%-dən

#TÜRKİYƏ

İstanbul Böyükşəhər Bələdiyyəsinə (İBB) yönəlik terror və korrupsiya araşdırmaları çərçivəsində haqqında həbs qərarı verilən İBB Törəmə və Bağlı Quruluşlar Komissiyasının sədri Ərtan Yıldız saxlanılıb.

Milli.Az axar.az-a istinadən bildirir ki, istintaq çərçivəsində haqqında həbs qərarı verilən, "kölgə sədr" olaraq tanınan Yıldızın saxlanılması ilə istintaq çərçivəsində həbs edilənlərin sayı 88-ə çatıb. Araşdırmada 17 şübhəlinin istintaqdan gizləndiyi, 7 şübhəlinin isə xaricə qaçdığı müəyyən edilib.

Ərtan Yıldızın haqqında aparılan istintaqdan xəbərdar olduğu və bu səbəbdən evdə olduğu görüntüsü yaratmaq üçün mobil telefonunu həyat yoldaşının çantasına qoyduğu öyrənilib. Polis təqibindən qaçmaq üçün bu üsula əl atan və daha əvvəl xaricə çıxış qadağası olan Yıldızın yaşadığı kompleksin başqa bir qapısından qaçaraq tutulmaqdan xilas olduğu iddia edilmişdi.

Qeyd edək ki, Ə.İmamoğlu 19 mart səhər saatlarında saxlanılıb.

Milli.Az