Türkiyə

53 min insanın öldüyü həmin gündən yeni görüntülər ortaya çıxdı - FOTOlar

6 Fevral 2025 23:43

Baxış: 496

#HADİSƏ #VİDEO #TÜRKİYƏ #ZƏLZƏLƏ

Türkiyədə 53 mindən çox insanın ölümünə səbəb olan dağıdıcı zəlzələlərdən iki il ötür.

Milli.Az xəbər verir ki, 53 mindən çox adamın həyatını itirdiyi şiddətli sarsıntılar zamanı Osmaniye İl Təhlükəsizlik Müdirliyinin polis radiosundan edilən anons və kamera görüntüləri ortaya çıxıb.

"Əsrin fəlakəti" olaraq xarakterizə edilən 6 fevral zəlzələsinin ikinci ildönümündə Osmaniye Polis İdarəsi polis telsizlərində edilən anonsların qeydlərini və təhlükəsizlik kameralarına düşən görüntüləri paylaşıb.

Görüntülərdə radio vasitəsilə bütün polis işçilərinin polis binasına toplaşması xahişi ilə anons edilib, söküntü ilə bağlı ilk məlumat da radio vasitəsilə elan edilib.

Qeyd edək ki, Türkiyədə fevralın 6-da saat 04:17-də Kahramanmaraşın Pazarcık rayonunda 7,7 bal gücündə, Elbistan rayonunda isə saat 13:24-də 7,6 bal gücündə zəlzələ baş verib. Kahramanmaraşla yanaşı, Hatay, Osmaniye, Adıyaman, Diyarbakır, Şanlıurfa, Qaziantep, Kilis, Adana, Malatya və Elazığda da baş verən əsrin fəlakətində 53 min 537 nəfər həyatını itirib, 107 min 213 nəfər isə yaralanıb.

Türkiyənin beynəlxalq yardımın daxil olduğu 4-cü səviyyəli xəbərdarlıq elan etdiyi zəlzələdən sonra 93 ölkədən axtarış-xilasetmə qrupları bölgədəki işlərə qoşulub. Bütün ölkə ərazisində 7 günlük milli matəm elan edilərkən, zəlzələ bölgəsində fövqəladə vəziyyət elan edilib.

Fidan
Milli.Az