Türkiyə

Aktotı Raimkulova TÜRKSOY-un Baş katibi ilə görüşüb - FOTO

8 Dekabr 2023 18:30

Baxış: 443

VTB-də minimal faiz dərəcəsi ilə nağd kredit 10.49%-dən

#TÜRKİYƏ

Bakıda Türk Mədəniyyəti və İrsi Fondunun mərkəzi qərargahında təşkilatın rəhbəri Aktotı Raimkulova ilə TÜRKSOY-un Baş katibi Sultan Rayev arasında görüş keçirilib.

Milli.Az TurkicWorld-ə istinadən xəbər verir ki, Aktotı Raimkulova qonaqları salamlayaraq, TÜRKSOY-u 30 illiyi, eləcə də Türkiyə Cümhuriyyətini 100 illiyi münasibətilə təbrik edib.

Məlumata əsasən, görüşdə Fondun prezidenti Aktotı Raimkulova müasir dövrdə Türk Dünyasında hərtərəfli əlaqələrin gücləndirilməsi məqsədilə qurulmuş Türk Əməkdaşlıq Təşkilatlarının bir-biri ilə koordinasiyalı fəaliyyətlərinin vacibliyindən söz açıb. Fond ilə TÜRKSOY arasında mövcud əlaqələrdən bəhs edən Aktotı Raimkulova, təşkilatlar arasında ikitərəfli münasibətlərin bundan sonra da uğurla inkişaf edəcəyinə, türk xalqlarının zəngin mədəniyyətinin və irsinin daha artıq təbliğinə töhfə verəcəyinə əminliyini ifadə edib.

TÜRKSOY-un Baş katibi Sultan Rayev Aktotı Raimkulovanı Türk Dövlət Başçıları tərəfindən Fondun prezidenti təyin olunması münasibətilə təbrik edib və bu məsul vəzifədə ona uğurlar arzulayıb. Baş katib TÜRKSOY ilə Fond arasında tərəfdaşlığın daha da genişləndirilməsinin önəmini vurğulayıb.
Görüş 2024-cü il üzrə birgə fəaliyyət istiqamətləri və digər qarşılıqlı maraq doğuran məsələlər ətrafında fikir mübadilələri ilə davam edib.

Milli.Az
Xəbərlərimizi WhatsApp kanalımızdan da oxuyun