Sağlamlıq

Bu meyvənin şirəsi qərarlarımıza təsir edirmiş

10 Oktyabr 2025 21:00
Baxış: 4 911
VTB-də minimal faiz dərəcəsi ilə nağd kredit 9.9%-dən
#SAĞLAMLIQ #SAĞLAM QİDA

Beynəlxalq tədqiqatçı qrupu müəyyən edib ki, qara qarağat şirəsi həm istirahət halında, həm də zehni gərginlik zamanı beynin ön loblarına qan axınını artırır.

Milli.Az xəbər verir ki, bunu Beynəlxalq tədqiqatçı qrupları müəyyənləşdirib və nəticələr Nutritional Neuroscience (NN) jurnalında dərc olunub.

Eksperiment 18-35 yaş arası 20 sağlam gənc üzərində aparılıb. İştirakçılardan biri laboratoriyaya gəldikdə poliifenollarla zəngin qara qarağat şirəsi, digərində isə aktiv maddəsi olmayan, dad və rəngcə eyni plasebo (effekti olmayan saxta dərman və ya içki) qəbul edib. Sonra tədqiqatçılar yaxın infraqırmızı spektroskopiya üsulu ilə beyin qan dövranının və oksigen səviyyəsinin dəyişməsini izləyiblər.

Nəticələr göstərib ki, şirə içdikdən 35 dəqiqə sonra sol ön lobda oksigenli hemoglobin artıb, deoksigenli hemoglobin isə azalıb. Bu, beynin daha yaxşı qan və oksigen aldığını və damarların daha səmərəli işlədiyini göstərir. Ümumilikdə həmin sahəyə gələn qan miqdarı da bir qədər artıb.

Tədqiqat rəhbəri Dr. Entoni Uotson, "Biz sol prefrontal korteksdə açıq artım müşahidə etdik, bu sahə diqqət və qərarvermə ilə əlaqədardır. Bu, iş yaddaşı proseslərinə sol hissənin daha aktiv şəkildə qatıldığını təsdiqləyir," - deyib.

Qara qarağat polifenollarla, xüsusilə antosiyaninlərlə zəngindir. Alimlər hesab edirlər ki, bu birləşmələr damarları genişləndirən azot oksidi istehsalını artırır və həmçinin dopamin və serotonin səviyyələrinə təsir edərək beynin qan dövranını tənzimləyir.

İsmayıl
Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.