Türkiyə

Türkiyənin BƏƏ-yə avtomobil sənayesi məhsulları ixracı 80 milyard dollara çatıb

18 Avqust 2023 17:21

Baxış: 596

Türkiyə 2023-cü ilin yanvar-iyul aylarında Birləşmiş Ərəb Əmirliklərinə avtomobil sənayesi məhsulları ixracını ötən ilin eyni dövrü ilə müqayisədə 13,2 faiz artıraraq, 79,8 milyard dollara çatdırıb.

Milli.Az xəbər verir ki, bu barədə TurkicWorld-ə Türkiyə Ticarət Nazirliyindən bildirilib.

İyul ayında Türkiyə BƏƏ-yə avtomobil sənayesi məhsulları ixracatını 2022-ci ilin eyni ayı ilə müqayisədə 4,8 faiz artıraraq, 12,3 milyon dollara çatdırıb.

Qeyd edək ki, 2023-cü ilin yanvar-iyul aylarında Türkiyənin avtomobil sənayesi məhsulları ixracı ötən ilin eyni dövrü ilə müqayisədə 16 faiz artaraq, 20,1 milyard dollara bərabər olub.

Bu ilin iyul ayında Türkiyə 2,7 milyard dollar məbləğində avtomobil sənayesi məhsulları ixrac edib ki, bu da keçən ilin iyul ayı ilə müqayisədə 33,2 faiz çoxdur.

Qeyd olunub ki, son 12 ay ərzində (iyul 2022-iyul 2023) Türkiyə 33,7 milyard dollar məbləğində avtomobil sənayesi məhsulları ixrac edib.

Milli.Az