İdman

Yığmamız Serbiya ilə üz-üzə

12 Oktyabr 2021 08:08
1 Şərh     Baxış: 911

Azərbaycan millisi bu gün DÇ-2022-nin seçmə mərhələsində növbəti oyununu keçirəcək.

Milli.Az apasport.az-a istinadən bildirir ki, Canni de Byazinin yetirmələri yer aldığı A qrupunun VIII turunda səfər matçına çıxacaq.

İlk 6 oyununda cəmi 1 xalla kifayətlənən yığmamız Belqradda qrupun favoritlərindən olan Serbiyanın qonağı olacaq. Üç gün əvvəl Bakıda İrlandiyaya 0:3 hesabı ilə məğlub olan komandamızın cari tsikldə ilk qələbə həsrətinə son qoyması heç də inandırıcı görünmür.

Qrup birinciliyini hədəfləyən serblər nəinki qələbə, hətta top fərqini yaxşılaşdırmaq üçün çox qol vurmaq barədə düşünürlər. Bu baxımdan komandamızı çox çətin səfər sınağı gözləyir.

Millimiz hələ uduzmayan güclü Serbiyaya Belqradda yenilsə, qrup sonunculuğunu rəsmiləşdirəcək.

Qrupun digər matçında Portuqaliya Lüksemburqu qəbul edəcək.

Qeyd edək ki, millimiz qrupda son görüşünü noyabrın 11-də Lüksemburqa qarşı keçirəcək.

DÇ-2022-nin seçmə mərhələsi
A qrupu, VIII tur

12 oktyabr
22:45. Serbiya - Azərbaycan
Baş hakim: Erik Lambrexts (Belçika)
Belqrad, "Rayko Mitiç" stadionu

1

Serbiya

6

4

2

0

13-7

14

2

Portuqaliya

5

4

1

0

11-4

13

3

Lüksemburq

5

2

0

3

5-9

6

4

İrlandiya

6

1

2

3

8-8

5

5

Azərbaycan

6

0

1

5

3-12

1

Milli.Az

Şərh yaz:

1 Şərh:

  • Anonim
    Kami · 12 Oktyabr 09:4600

    Canni de Byazini de, butun futbol federasiyasini da istefaya gondermek lazimdir. Havayi yere pul yeyirler. Iller kecir, amma hec bir netice yoxdur.

    Cavab yaz

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.