İdman

"Aberdin"in qapıçısı: "Qarabağ"ı necə narahat edə biləcəyimizi düşünürük"

26 Avqust 2021 10:28
0 Şərh     Baxış: 1 833
VTB-də minimal faiz dərəcəsi ilə nağd kredit 10.49%-dən

"Mərhələni keçmək əla olardı. Çünki qrupa düşsək, ən azı daha 6 oyun keçirəcəyik və onların üçü evdə olacaq. Bu, azarkeşlərimiz üçün də gözəl hədiyyə sayılır".

Milli.Az "Report"a istinadən bildirir ki, bunu Şotlandiya "Aberdin"inin qapıçısı Co Lyuis yerli mətbuata açıqlamasında evdə "Qarabağ"a qarşı keçirəcəkləri UEFA Konfrans Liqasının pley-off mərhələsinin cavab oyunu barədə danışarkən deyib.

34 yaşlı qolkiper Ağdam təmsilçisinin yaxşı komanda olduğunu bildirib: "Biz bunu yaxşı bilirik. Lakin nəzərə alaq ki, son iki turda səviyyəli kollektivlərə qarşı oynamışıq. Rəqibin heyətində keyfiyyətli futbolçular var. Amma buna çox da fikir vermirik. Hazırda "Qarabağ"ı necə narahat edə biləcəyimizi düşünürük".

Qeyd edək ki, bu gün keçiriləcək "Aberdin" - "Qarabağ" matçı Bakı vaxtı ilə saat 22:45-də başlayacaq. İlk görüşdə "köhlən atlar" minimal hesablı qələbə qazanıb - 1:0.

Milli.Az 

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.