İdman

"Qalatasaray" darmadağın oldu - ÇL-də gecənin nəticələri

22 İyul 2021 06:50

0 Şərh Baxış: 2 613

VTB-də minimal faiz dərəcəsi ilə nağd kredit 9.9%-dən

#ÇEMPİONLAR LİQASI #FUTBOL

Çempionlar Liqasında 2-ci təsnifat mərhələsinin ilk oyunlarına yekun vurulub.

Milli.Az qol.az-a istinadən xəbər verir ki, son oyun günündə 7 qarşılaşma keçirilib.

Turnirdə ölkəmizi təmsil edən "Neftçi" Yunanıstan səfərində "Olimpiakos"a uduzub - 0:1. Bu cütün qalibi Çempionlar Liqasının 3-cü təsnifat mərhələsində "Mura" (Sloveniya) - "Lüdoqorets" (Bolqarıstan) cütünün qalibi ilə üz-üzə gələcək. Bu turda uduzan komanda isə Avropa Liqasının 3-cü təsnifat mərhələsində "Malmö" (İsveç) - HİK (Finlandiya) cütünün məğlubu ilə görüşəcək. "Malmö" - HİK matçı meydan sahiblərinin 2:1 hesablı qələbəsi ilə başa çatıb. "Mura" - "Lüdoqorets" oyununda isə qol olmayıb.

Millimizin üzvü Mahir Emrelinin çıxış etdiyi "Legiya" (Polşa) öz meydanında Estoniyanın "Flora" klubu ilə qarşılaşıb. Oyun "Legiya"nın qələbəsi ilə başa çatıb - 2:1. Start heyətdə meydana çıxan Mahir 56-cı dəqiqədə əvəzlənib.

Niderlandda PSV-nin qonağı olan Türkiyənin "Qalatasaray"ı klubu isə 1:5 hesabı ilə uduzub.

21 iyul

Çempionlar Liqası

2-ci təsnifat mərhələsinin ilk oyunları

18:00. "Kayrat" (Qazaxıstan) - "Srvena Zvezda" (Serbiya) - 2:1
Qollar: Xose Kante Martines, 24, Frenk Banyak, 79 - Dino Mikanoviç, 57-avtoqol

21:00. "Malmö" (İsveç) - HİK (Helsinki, Finlandiya) - 2:1
Qollar: Antonio Çolak, 45+1, Anders Kristiansen, 74 - Riku Riski, 68

22:00. Mura" (Sloveniya) - "Lüdoqorets" (Bolqarıstan) - 0:0

22:30. "Slovan" (Slovakiya) - "Yanq Boyz" (İsveçrə) - 0:0

23:00. PSV (Niderland) - "Qalatasaray" (Türkiyə) - 5:1
Qollar: Eran Zahavi, 2, 35, 84, Mario Götze, 51, 88 - Emre Kılınç, 42

23:00. "Olimpiakos" (Yunanıstan) - "Neftçi" (Azərbaycan) - 1:0
Qol: Madi Kamara, 29
Qırmızı vərəqələr: Madi Kamara, 43 ("Olimpiakos"), Mert Çekik, 63 ("Neftçi")

23:00. "Legiya" (Polşa) - "Flora" (Estoniya) - 2:1
Qollar: Bartoş Kapustka, 3, Rafael Lopes, 90+1 - Rauno Sappinyen, 53

Milli.Az