İdman

Olimpiadalarda bayrağımızı qaldıran 7 idmançı qadın

8 Mart 2021 18:05

Baxış: 1 062

VTB-də minimal faiz dərəcəsi ilə nağd kredit 9.9%-dən

#İDMAN #QADIN

Bu gün 8 Mart Beynəlxalq Qadınlar günüdür.

Milli.Az apasport.az-a istinadla bildirir ki, bütün zərif cins nümayəndələri kimi idmançı xanımlar da əlamətdar günü qeyd edir.

Azərbaycan idmanında qadınların xüsusi çəkisi var. Təmsilçilərimiz müxtəlif səviyyəli yarışlarda onlarla titul sahibidir.

Təkcə Olimpiya Oyunlarında Azərbaycan bayrağı 10 dəfə qadınların uğuru sayəsində dalğalanıb. Söhbət müstəqil ölkə kimi qatıldığımız multiidman yarışlarından gedir. Bunlardan birində ən yüksəyə qalxan bayrağımız səslənən himnimizin fonunda dalğalanıb. Yeganə qadın Olimpiya çempionumuz Zemfira Mefteheddinovadır.

Qadın idmançılarımız Olimpiadalarda 2 gümüş və 7 bürünc mükafata da yiyələnib. Ölkəmizin 7 xanımı dördilliyin mötəbər yarışında fəxri kürsüyə qalxıb.

Rekord Mariya Stadnikə məxsusdur. Son üç Olimpiadanı əliboş tərk etməyən güləşçi iki gümüş və bir bürüncə sahib çıxıb. Yeganə qızılın müəllifi Meftəhəddinovanın aktivində iki mükafat var.

Qeyd edək ki, yalnız bir dəfə Yay Olimpiya Oyunlarında qadın idmançılarımız medalsız qalıb. Bu, 1996-cı ildəki debütə təsadüf edib.

Qadın idmançılarımızın Olimpiya medalları:

Zemfira Meftəhəddinova (stend atıcılığı)
2000-ci il, qızıl
2004-cü il, bürünc

İradə Aşumova (güllə atıcılığı)
2004-cü il, bürünc

Mariya Stadnik (qadın güləşi)
2008-ci il, bürünc
2012-ci il, gümüş
2016-cı il, gümüş

Yuliya Ratkeviç (qadın güləşi)
2012-ci il, bürünc

İrina Osipenko-Radomska (avarçəkmə)
2016-cı il, bürünc

Patimat Abakarova (taekvondo)
2016-cı il, bürünc

Nataliya Sinişin (qadın güləşi)
2016-cı il, bürünc

Milli.Az