İdman

“Liverpul” İngiltərə kuboku ilə vidalaşıb

24 Yanvar 2021 23:28
Baxış: 1 017

İngiltərə kubokunda 1/16 final oyunları davam edir.

Milli.Az apasport.az-a istinadən bildirir ki, bu gün daha 4 oyun keçirilib.

Günün ən maraqlı dueli Premyer Liqanın liderləri arasında baş tutub. "Mançester Yunayted" "Liverpul"u qəbul edib. Məhsuldar keçən görüşdə meydan sahibləri qələbə qazanıb.

Daha bir matçda iki Premyer Liqa təmsilçisi görüşüb. "Bernli" səfərdə "Fulhem"i darmadağın edib. "Çelsi" və "Lester" isə aşağı liqa təmsilçiləri üzərində qələbə ilə 1/8 finala yüksəlib. 

Fevralın 9-11-də baş tutacaq 1/8 finalda "Mançester Yunayted" "Vest Hem"i, "Lester" "Braytonu qəbul edəcəksə, "Çelsi" "Barnsli"nin qonağı olacaq. "Bernli"nin rəqibi "Bornmut" - "Kroli" matçında bəlli olacaq.

Qeyd edək ki, mərhələyə yanvarın 26-da yekun vurulacaq.

İngiltərə kuboku
1/16 final
24 yanvar
"Çelsi" - "Luton" - 3:1

Abraham, 11, 17, 74 - Klark, 30
"Brentford" - "Lester" - 1:3
Bek, 6 - Ündər, 46, Tilemans, 51 (pen.), Maddison, 71
"Fulhem" - "Bernli" - 0:3
Rodriges, 31, 71 (pen.), Lonq, 81
"Mançester Yunayted" - "Liverpul" - 3:2
Qrinvud, 26, Reşford, 48, Fernandeş, 78 - Salah, 18, 58

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.