İdman

“Barselona”nı yenə məhkəməyə verdi - Neymar

13 Noyabr 2020 19:39
Baxış: 617

PSJ-nin hücumçusu Neymar keçmiş komandası "Barselona" ilə bağlı yenidən məhkəməyə müraciət ünvanlayıb.

Milli.Az apasport.az-a istinadla bildirir ki, Braziliya millisinin üzvü Kataloniya klubundan 43,6 milyon avro tələb edib.

28 yaşlı oyunçu 2016-cı ildə müqavilə müddətinin uzadılması üçün bonus olaraq bu məbləğin ödənilməsi üçün apellyasiya şikayəti edib. Məhkəmə bir müddət əvvəl onun iddialarını rədd etməsinə və üstəlik, oyunçunun qarşı tərəfə 6,7 milyon avro ödəməsini qərara almasına baxmayaraq, Neymar buna etiraz edib və işə yenidən baxılmasını istəyib.

Qeyd edək ki, Neymar "Barselona"dan PSJ-yə 2017-ci ildə rekord məbləğə - 222 milyon avroya keçib.

Milli.Az

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.