İdman

Traore "Vulverhempton"dan "Yuventus"a keçə bilər

9 Sentyabr 2020 08:59
Baxış: 950
VTB-də minimal faiz dərəcəsi ilə nağd kredit 10.49%-dən

İtaliyanın "Yuventus" futbol klubu İngiltərə "Volverhempton"un formasını geyən İspaniya millisinin hucumçusu Adam Traorenin xidmətində maraqlıdır.

Trend-in TASS-a istinadən verdiyi məlumata görə, Traorenin xidmətlərini "Yuventus"a oyunçunun agenti Jorje Mendes təklif edib. Keçiddə əsas problem 24 yaşlı hücumçunun ən az 70 milyon avro olan transfer qiyməti ola bilər. Mendes problemə həll tapmaq üçün çalışır, "Yuventus" isə düşünmək üçün ara verib. Transfer yalnız Braziliyalı hücumçu Duqlas Kosta və italyan yarımmüdafiəçi Federiko Bernardeskinin Turinin klubundan ayrıldığı zaman baş verə bilər.

Traore İspaniya "Barselona"sının yetirməsidir. "Volverhempton" üçün 2018-ci ildən, daha əvvəl isə İngiltərənin "Aston Villa" və "Midlsbro" klublarında oynayıb. Keçən mövsüm Traore, "Volverhempton" komandasında bütün turnirlərdə 54 oyun keçirib, altı qol vurub və 12 faydalı ötürmə edib.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.