İdman

Azərbaycan klublarının Avropa Liqasında rəqibləri müəyyənləşdi

10 Avqust 2020 15:32
Baxış: 2 209
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Avropa Liqasında mübarizə aparacaq Azərbaycan klublarının I təsnifat mərhələsindəki rəqibləri müəyyənləşib.

Milli.Az apasport.az-a istinadla bildirir ki, qitənin ikinci dərəcəli klub turnirinə qatılacaq "Neftçi", "Keşlə" və "Sumqayıt" yeni mövsümdəki ilk rəqibi bəlli olub.

Bu, İsveçrənin Nyon şəhərindəki püşkatmada gerçəkləşib. 

Azərbaycan Premyer Liqasının gümüş mükafatçısı "Neftçi" Şimali Makedoniyanın "Şkupi" klubu ilə üz-üzə gələcək. Təmsilçimiz bir oyundan ibarət mərhələnin görüşünü Bakıda keçirəcək.

Çempionatın bürünc mükafatçısı "Keşlə"yə Albaniyanın "Laçi" klubu rəqib olub. Bakılılar qarşılaşmaya paytaxtda çıxacaq.

Avrokubokların debütantı "Sumqayıt"ın bəxtinə Şimali Makedoniyanın "Şkendiya" klubu düşüb. "Gənclik şəhəri" təmsilçisi debüt matçını evdə keçirəcək.

Qeyd edək ki, I təsnifat mərhələsinin qarşılaşmaları avqustun 27-də keçiriləcək.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.