İdman

"Beşiktaş"dan səfər darmadağını - FOTO

21 İyun 2020 16:40
0 Şərh     Baxış: 958

Futbol üzrə Türkiyə çempionatının XXVIII turu çərçivəsində keçirilən qarşılaşmada "Dənizlispor" doğma meydanda "Beşiktaş"ı qəbul edib.

Milli.Az AZƏRTAC-a istinadən bildirir ki, hesabı matçın 10-cu dəqiqəsində İstanbul klubunun hücumçusu Burak Yılmaz açıb. Meydan sahibləri 53-cü dəqiqədə Oskar Estupinanın qolu sayəsində hesaba tarazlıq gətiriblər. Lakin qonaqların futbolçularından Gökhan Gönül (60), Kevin Nkoudou (67), Adəm Lyayiç (75) və Abdulay Diabi (78) fərqlənərək "Beşiktaş"ın qələbəsini rəsmiləşdiriblər.

Beləliklə, "Beşiktaş" səfərdə "Dənizlispor"u 5:1 hesabı ilə darmadağın edib.

Günün digər oyunlarında "Kayserispor" doğma divarlar arasında "Gənclərbirliyi"ni iki cavabsız topla məğlub edib. "Göztəpə" isə səfərdə "Yeni Malatyaspor"a 2:1 hesabı ilə uduzub.

Bundan əlavə, turda iyunun 21-də "Kasımpaşa" - "Fənərbağça", "Konyaspor" - "Sivasspor", "Qalatasaray" -"Qaziantep" komandaları qarşılaşacaq. XXVIII tura iyunun 22-də "Alanyaspor" - "Trabzonspor" və "Antalyaspor" - "Rizəspor" görüşləri ilə yekun vurulacaq.

Türkiyə çempionatında hazırda "Başakşəhər" 59 xalla turnir cədvəlinin lideridir. Ondan bir oyun az keçirmiş "Trabzonspor" 56 xalla ikincidir. "Sivasspor" 52 xalla üçüncü, "Qalatasaray" klubu isə 50 xalla dördüncü pillədə qərarlaşıb. Sonrakı yerlərdə "Beşiktaş" (47 xal), "Alanyaspor" (43 xal), "Fənərbağça" (43 xal) və digər komandalar gəlir.

Milli.Az

Məqaləyə dair fotomateriallar:

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.