İdman

Ronaldu PSJ və ya "Mançester Yunayted"-ə keçə bilər

25 Mart 2020 22:25
0 Şərh     Baxış: 2 491

İtaliyanın "Yuventus" klubunun portuqaliyalı futbolçusu Kriştianu Ronaldu yay transfer pəncərəsində Fransanın "Paris Sen-Jermen" və ya İngiltərənin "Mançester Yunayted" klubuna keçə bilər.

Milli.Az bildirir ki, AZƏRTAC "AS" nəşrinə istinadla xəbər verir ki, hər iki klub təcrübəli futbolçuya təklif göndərib. Mənbənin bildirdiyinə görə, "Paris Sen-Jermen" İspaniyanın "Barselona" klubuna dönüşü gündəmdə olan Neymarı Ronaldu ilə əvəzləmək istəyir. Lakin Kriştianu 2003-2009-cu illərdə formasını geyindiyi "Mançester Yunayted"ə qayıtmağa daha meyillidir. Lakin bu, "qırmızı şeytanlar"ın UEFA Çempionlar Liqasına vəsiqə qazanıb-qazanmamasından asılı olacaq. "Mançester Siti"nin UEFA tərəfindən məruz qaldığı sanksiya hazırda 5-ci yerdə gedən "Mançester Yunayted"in ən nüfuzlu klub turnirinə yolunu aça bilər.

Qeyd edək ki, Kriştianu Ronaldu "Yuventus"a 2018-ci ilin yayında İspaniyanın "Real Madrid" komandasından 117 milyon avroya keçib. Onun hazırkı müqaviləsi 2022-ci il iyunun 30-dək qüvvədədir və transfer qiyməti 75 milyon avrodur. Bu mövsüm Ronaldu klub səviyyəsində bütün yarışlarda 32 oyunda 25 qol və 4 məhsuldar ötürmə müəllifi olub.

Milli.Az

loading...

Şərh yaz:

0 Şərh:

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.