İdman

Ukrayna gimnastı: "Şadam ki, Dünya Kuboku məhz Bakıda keçirilir"

15 Fevral 2020 14:47
Baxış: 837
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Milli Gimnastika Arenasında yarışların təşkili hər zaman ən yüksək səviyyədədir.

Milli.Az bildirir ki, bunu Trend-ə batut gimnastikası və tamblinq üzrə Dünya Kubokunun finalçısı, ukraynalı gimnast Darina Kozyarskaya deyib.

O bildirib ki, yarışlardan əvvəl məşqlər əla keçib, amma təsnifat yarışında kiçik qüsurlar qeydə alınıb:

"Bugünkü çıxışımı təhlil etdikdən sonra başa düşdüm ki, nəyi isə buraxmışam. Yəqin ki, yorğunluq özünü göstərib".

Gimnast əlavə edib ki, Bakıdakı yarışlara böyük sevinclə gəlib:

"Bu, mənim Azərbaycana üçüncü səfərimdir. Çox şadam ki, Dünya Kuboku məhz burada keçirilir. Burada təşkilat həmişə ən yüksək səviyyədədir. Həm də ona görə məmnunam ki, 2021-ci ildə Bakıda batut gimnastikası üzrə dünya çempionatı keçiriləcək".

Qeyd edək ki, bu gün Bakıda Milli Gimnastika Arenasında batut gimnastikası və tamblinq üzrə Dünya Kuboku start götürüb.

15-16 fevral tarixlərində baş tutacaq və 30 ölkənin 150-dək gimnastının mübarizə apacağı builki Kubok Tokio Olimpiya Oyunlarına lisenziya xarakterli yarış olacaq.

Azərbaycanı Dünya Kubokunda iki gimnast - Selcan Maqsudova (batut gimnastikasında fərdi hərəkətlər) və Fərid Mustafayev (tamblinq) təmsil edir.

İki gün davam edəcək yarışların ilk günü təsnifat mərhələləri, ikinci günü isə final mərhələləri keçiriləcək. Turnirdə ən yüksək icra xalını toplamış gimnastlara ənənəvi "AGF Trophy" Kuboku da təqdim olunacaq.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.