İdman

"Zirə" ilk arzusunda, "Sabah"ın Sumqayıt səfəri -

15 Fevral 2020 08:18

0 Şərh Baxış: 894

VTB-də minimal faiz dərəcəsi ilə nağd kredit 9.9%-dən

#AZƏRBAYCAN FUTBOLU

Azərbaycan Premyer Liqasında XVII tura start verilir.

Milli.Az apasport.az-a istinadən bildirir ki, bu gün ilk iki görüş keçiriləcək.

Oyunlardan biri Bakıda, digəri Sumqayıtda olacaq. Paytaxtdakı qarşılaşmada lider "Qarabağ" qış fasiləsində xeyli güclənən "Zirə"nin qonağı olacaq.

Yarandığı 2015-ci ildən bəri Ağdam təmsilçisi üzərində qələbəyə həsrət olan qəsəbə təmsilçisi tilsimi qırmağa çalışacaq. Əks halda, bakılılar nəinki 4-cü yerdən uzaqlaşa, hətta aşağı pillələrdəki komandaların yaxınlaşmasına səbəb ola bilər. "Qarabağ" səfərdə oynamasına baxmayaraq, heyətində xeyli itkiləri olan "Zirə" önündə favoritdir.

2020-ci ilə uğurlu start götürərək 4-cü pilləni ələ keçirən "Sumqayıt" ardıcıl ikinci dəfə doğma arenasında mübarizə aparacaq. "Kimyaçılar" qış fasiləsində yeni transferlərlə diqqət çəkən "Sabah"la üz-üzə gələcək. "Sumqayıt" qalib gəlməklə həm "Zirə"dən bir qədər uzaqlaşmağı, həm də ilk "üçlüy"ə yaxınlaşmağı planlaşdırır. "Sabah" isə avrokubok barədə düşünürsə, qələbədən başqa yolu yoxdur.

Qeyd edək ki, turun "Neftçi" - "Keşlə" və "Səbail" - "Qəbələ" oyunları sabah keçiriləcək.

Azərbaycan Premyer Liqası
XVII tur
15 fevral (şənbə)
15:00. "Zirə" -" Qarabağ"
Hakimlər: Rəhim Həsənov, Namiq Hüseynov, Cəmil Quliyev, Nicat İsmayıllı
Zirə İdman Kompleksinin stadionu

17:00. "Sumqayıt" - "Sabah"
Hakimlər: İnqilab Məmmədov, Rahil Ramazanov, Nahid Əliyev, Fərid Hacıyev
"Kapital Bank Arena"

N	Klublar	O	Q	H	M	T-F	X
1	Qarabağ	16	10	5	1	25-7	35
2	Neftçi	16	7	6	3	23-12	27
3	Keşlə	16	7	5	4	20-14	26
4	Sumqayıt	16	6	4	6	21-22	22
5	Zirə	16	5	5	6	21-24	20
6	Sabah	16	4	4	8	17-22	16
7	Səbail	16	4	3	9	11-25	15
8	Qəbələ	16	3	4	9	17-29	13