İdman

“Qarabağ” dünyanın ən yaxşı 80-ci klubudur

21 Yanvar 2020 16:56
0 Şərh     Baxış: 1 617
VTB-də minimal faiz dərəcəsi ilə nağd kredit 9.9%-dən
#NEFTÇİ #QARABAĞ #FUTBOL

Dünyanın ən yaxşı futbol klublarının siyahısı açıqlanıb.

Milli.Az futbolinfo.az-a istinadən xəbər verir ki, Beynəlxalq Futbol Tarixi və Statistikaları Federasiyası (İFFHS) 2019-cu ilin yekunlarına əsasən, 400 komandanın siyahısını müəyyənləşdirib.

Cədvəldə Azərbaycanın ən yaxşı komandası "Qarabağ"dı. Ağdam klubu ötən illə müqayisədə 57 pillə irəliləyərək 144 xalla dünyanın 80-ci komandasıdı. "Köhlən atlar" "Qalatasaray", "Vilyarreal" (İspaniya), "Borussiya" (Dortmund, Almaniya), "Bazel" (İsveçrə), "Feyenoord" (Niderland), "Torino" (İtaliya), "Partizan" (Serbiya) və "Zenit" (Rusiya) kimi tanınmış klubları qabaqlayıb.

"Neftçi" isə daha böyük irəliləyişə nail olub. Ötən il 459-cu olan "ağ-qaralar" 242 pilləlik sıçrayışla 217-ci yerə yüksəliblər. Bakılıların hesabında 90 xal var.

Dünyanın ən yaxşı klubu isə İngiltərə təmsilçisi "Liverpul"du. 316 xalı olan mersisaydlıları "Barselona" (293 xal) və "Mançester Siti" (284 xal) izləyir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.