İdman

"Onların cəzasını özümüz verəcəyik" - Elmar Baxşıyev

8 Dekabr 2019 19:28

0 Şərh Baxış: 963

#AZƏRBAYCAN FUTBOLU

"Planlaşdırdığımız kimi oldu. Çətin oyun olacağını bilirdik. "Sumqayıt" öz meydanında yaxşı oyun sərgiləyir".

Milli.Az qol.az-a istinadən xəbər verir ki, bu sözləri "Qəbələ"nin baş məşqçisi Elmar Baxşıyev Premyer Liqanın 14-cü turunda səfərdə "Sumqayıt"la heç-heçə etdikləri oyundan (1:1) sonra mətbuat konfransında deyib.

Görüşü şəhr edən çalışdırıcı qırmızı vərəqə alan Anar Nəzirov və Qismət Alıyevi cəzalandıracağını bildirib: "İlk dövrənin son oyunu idi, uduzmaq istəmirdik. Oyunun keyfiyyətindən razı qalmadım, ancaq komandamı təbrik edirəm.

Oyunu doqquz oyunçuyla bitirdik. Amma burada hakimlik heç nə yox idi. Hər iki qırmızı vərəqə bizim oyunçulara görə oldu. Kodeksə uyğun cəzalanacaqlar. Onların cəzasını özümüz verəcəyik".

Baxşıyev heyətinn gücləndirilməsi barədə isə bunları deyib: "Futbolçularımıza marağın olması, bizi sevindirir. Müqaviləsi bitən futbolçuların sözləşməsinə yenidən baxılacaq. Oyunçuları komandada saxlamaq istəyirik".

Milli.Az