İdman

Moskva “Spartak”ından Qurban Qurbanova təklif?

4 Oktyabr 2019 14:39
3 Şərh     Baxış: 3 753

Xəbər verdiyimiz kimi, Moskvanın "Spartak" klubu baş məşqçisi Oleq Kononvu istefaya göndərib.

Klub rəhbərliyi yeni baş məşqçi axtarışlarını davam etdirir. 

Milli.Az xəbər verir ki, Sportinfo.az-ın "Spartak"a yaxın mənbədən aldığı məlumata görə, paytaxt klubu "Qarabağ"ın baş məşqçisi Qurban Qurbanova da maraq göstərir.

Məlumata görə, "Spartak"ın nümayəndələri Qurban Qurbanovla təmas da qurublar. Onlar Qurbanovun məsələyə münasibətini öyrənmək istəyiblər.

Məlumatda bildirilir ki, "Spartak" rəhbərliyi "Qarabağ"ın Avropa Liqasının qrup mərhələsində oynamasını nəzərə alaraq, Qurbanovla qışda və ya mövsümün sonunda da anlaşma əldə etməyə razıdır.

"Spartak" rəhbərliyində təmsil olunan bir neçə şəxs Qurbanovun oyun fəlsəfəsini bəyənir və bunun "Spartak"a uyğun olduğunu düşünür. Üstəlik, həmin şəxslər Qurbanovun futbolçu kimi Rusiya çempionatında çıxış etməsini də əsas gətirərək, onun ölkə futboluna yad sima olmadığını qabardırlar.

Məlumatda bildirilir ki, Qurbanov razılıq verəcəyi təqdirdə, "Spartak"ı qış fasiləsinə, ya da mövsümün sonuna qədər müvəqqəti baş məşqçi çalışdıra bilər. Qurbanovun bu təklifə münasibəti barədə isə məlumat verilmir.

Milli.Az

loading...

Şərh yaz:

3 Şərh:

  • Anonim
    Sibirxan · 4 Oktyabr 14:4510

    E neynirsen spartaki garabagda gal oz vetenindi torpagindi

    Cavab yaz
  • Anonim
    resul · 4 Oktyabr 15:2021

    Qurban QARABAGI satmaz

    Cavab yaz
  • Anonim
    Yusif · 4 Oktyabr 16:1021

    Məncə getməlidir. Daha da inkişaf etmək üçün. Qarabağa da Qattuzonu gətirsinlər.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.