İdman

İsrail gimnastı: "Milli Gimnastika Arenasında gözəl şərait yaradılıb"

18 Sentyabr 2019 14:53
Baxış: 508
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Özümü ələ ala və proqramımı yaxşı icra edə bildiyim üçün məmnunam.

Milli.Az xəbər verir ki, bunu Trend-ə İsrail gimnastı Yuliana Telegina bədii gimnastika üzrə dünya çempionatının təsnifat yarışlarında çıxışından sonra deyib.

Onun sözlərinə görə, azarkeşlərin dəstəyi çıxışına kömək edib.

Gimnast əlavə edib ki, Milli Gimnastika Arenasında gözəl şərait yaradılıb:

"Burada məşqlər və uğurlu çıxış üçün lazım olan hər şey var. Mənim yarışlara hazırlıq üçün kifayət qədər vaxtım var idi, çünki mən çempionatın başlamasına dörd gün qalmış Bakıya gəlmişdim".

Qeyd edək ki, Milli Gimnastika Arenasında keçirilən dünya çempionatına Azərbaycan 9 gimnastla qatılıb. Fərdi proqram üzrə yarışlarda Zöhrə Ağamirova, Veronika Qudis, Yelizaveta Luzan və Məryəm Səfərova güclərini sınayacaqlar. Qrup hərəkətlərində isə komandamızın heyətində Ayşən Bayramova, Diana Əhmədbəyli, Aliyə Paşayeva, Zeynəb Hümmətova və Darya Sorokina yer alıblar.

61 ölkədən 300-dən artıq gimnast çempionatda 9 dəst medal uğrunda mübarizə aparacaq.

Dünya çempionatı sentyabrın 22-dək davam edəcək.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.