İdman

"Bu cür həmkarlar ittifaqının təsisi qanuna ziddir" - AFFA-dan bəyanat

12 Sentyabr 2019 16:49

0 Şərh Baxış: 862

VTB-də minimal faiz dərəcəsi ilə nağd kredit 9.9%-dən

#AZƏRBAYCAN FUTBOLU

AFFA bəyanat yayıb.

Milli.Az sportal.az-a istinadən xəbər verir ki, qurum AFFA Futbol İctimaiyyəti Həmkarlar İttifaqının təsis edilməsinə münasibət bildirib:

"Kütləvi İnformasiya Vasitələrində yayılan məlumata əsasən, bir qrup şəxs AFFA Futbol İctimaiyyəti Həmkarlar İttifaqını təsis etmişdir.

Bəyan edirik ki, bu təşkilatın adında "AFFA" adından istifadə edilməsinə baxmayaraq, adı çəkilən təşkilatın AFFA və ya onun işçilərinə (indiki və ya keçmiş) hər hansı aidiyyatı yoxdur.

"Həmkarlar ittifaqları haqqında" Azərbaycan Respublikası Qanununun 1-ci maddəsinə əsasən "Həmkarlar ittifaqları istehsal və ya qeyri-istehsal sahələrində çalışan işçilərin, habelə pensiyaçıların və təhsil alan şəxslərin əmək, sosial, iqtisadi hüquqlarının və qanuni mənafelərinin müdafiəsi üçün iş yeri, peşələr, sahələr üzrə və respublika səviyyəsində fərdi üzvlük prinsipi əsasında könüllü birləşdiyi, nizamnamələri və bu Qanun əsasında fəaliyyət göstərən müstəqil ictimai, qeyri-siyasi təşkilatdır".

Həmin Qanunun eyni maddəsində "işçi" dedikdə "əmək qanunvericiliyinə uyğun olaraq işəgötürənlə əmək müqaviləsi (kontraktı) bağlayaraq əmək fəaliyyətini yerinə yetirən fiziki şəxs başa düşülür" kimi müddəa yer almışdır. Bildirmək istərdik ki, qeyd edilən və özünü həmkarlar ittifaqı təşkilatı adlandıran təşkilatın mətbuatda adları hallandırılan təsisçilərindən heç biri heç vaxt AFFA ilə əmək münasibətlərində olmamışdır. Bunu nəzərə alaraq, "AFFA" adından istifadə etməklə bu cür həmkarlar ittifaqının təsis edilməsi "Həmkarlar ittifaqları haqqında" Azərbaycan Respublikası Qanununa ziddir".

Milli.Az