İdman

Azərbaycanın iki güləşçisi Avropa çempionu olub, biri bürünc medal qazanıb - FOTO

18 İyun 2019 22:29
1 Şərh     Baxış: 1 254

İtaliyanın Faenza şəhərində yeniyetmə güləşçilər arasında Avropa çempionatının ikinci günü Azərbaycan yığması üçün uğurlu alınıb.

Milli.Az bildirir ki, yunan-Roma güləşçilərimiz günü 2 qızıl və 1 bürünc medalla bitiriblər.

Komandamızın heyətində bir gün öncə finala yüksələn Məlik Əliyev (48 kq) həlledici görüşdə Damir Kalakutokla üz-üzə gəlib. Rusiya güləşçisiylə qarşılaşmada 0:3 hesabıyla geridə olan həmyerlimiz əzmkarlıq nümayiş etdirərək hesabı xeyrinə dəyişib (5:3) və Avropa çempionu olub.
Onun uğurunu Nihat Məmmədli (55 kq) da təkrarlayıb. Finalda Qleb Makarankaya (Belarus) vaxtından əvvəl qalib gələn pəhləvanımız da Avropa çempionatının qızıl medalına yiyələnib.

Komandamızın aktivinə digər medalı Xasay Həsənli (65 kq) yazdırıb. O, 3-cü yer uğrunda görüşdə gürcüstanlı Nikolos Marqvelaşviliyə ilk hissədə qalib gəlməklə, bürünc medalı boynundan asıb.

Qeyd edək ki, sabah daha 2 güləşçimiz final, 1 idmançımız 3-cü yer uğrunda görüşə çıxacaq. Həmçinin yığmamızın 2 üzvü təsəlliverici qarşılaşmada mübarizə aparacaq.

Milli.Az

Məqaləyə dair fotomateriallar:

loading...

Şərh yaz:

1 Şərh:

  • Anonim
    " · 19 İyun 10:4010

    Qısa da olsa videoçəkilişlər qoysaydlz baxardıq.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.