İdman

Azərbaycan gimnastı: "Azarkeşlər mənə çox kömək etdi"

16 Mart 2019 17:11
Baxış: 286

Tribunalardakı azarkeşlər idmançıları çox yaxşı dəstəklədilər.

Milli.Az xəbər verir ki, bunu Trend-ə Bakıda keçirilən idman gimnastikası üzrə Dünya Kubokunda halqalarla hərəkətlərin yekunu üzrə gümüş medal qazanan Azərbaycan gimnastı Nikita Simonov deyib.

N.Simonov bildirib ki, azarkeşlərin dəstəyi və ruhlandırması idmançılar üçün çox yaxşıdır: "Bu, bəzi növlərdə çıxış zamanı çaşdırır, lakin halqalarla hərəkətlərdə idmançısı ürəkləndirir. Azarkeşlər mənə çox kömək etdi, onlara minnətdaram".

O, Dünya Kubokunun finalında qazandığı nəticədən razı qaldığını vurğulayıb: "Yaxşı çıxış alındı, təsnifatda səhvə yol verdim. Finala qədər çalışdım, kombinasiyanı kobud səhvə yol vermədən məşq etdim".

Azərbaycan gimnastı deyib ki, bazar ertəsi idman gimnastikası üzrə Dünya Kuboku mərhələsinin keçiriləcəyi Dohaya (Qətər) yola düşəcək: "Yarışa köklənəcəyik ki, daha yaxşı çıxış edək".

Qeyd edək ki, Bakıda Milli Gimnastika Arenasında kişi və qadın idman gimnastikası üzrə FIG Dünya Kuboku keçirilir.

Martın 17-nə qədər davam edəcək turnir Tokio-2020 Yay Olimpiya Oyunlarına vəsiqə qazanmaq istəyən gimnastlar üçün mühüm keçid rolunu oynayacaq. Belə ki, olimpiyadaya təsnifat xarakterli bu yarışda iştirak etmək üçün 41 ölkə qeydiyyatdan keçib. Medallar və lisenziya xalları uğrunda isə 121 kişi və 49 qadın idman gimnast mübarizə aparır.

Milli.Az

loading...

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.