İdman

İdman gimnastikası üzrə Dünya Kubokunda kişilər arasında dəstəli at üzərində hərəkətlərdə finalçılar məlum olub

15 Mart 2019 18:11

Baxış: 1 263

VTB-də minimal faiz dərəcəsi ilə nağd kredit 9.9%-dən

#GİMNASTİKA

Milli Gimnastika Arenasında idman gimnastikası üzrə Dünya Kubokunda kişilər arasında dəstəli at üzərində hərəkətlərdə finalçılar məlum olub.

Milli.Az Trend-ə istinadən bildirir ki, finala Kaito İmabayasi (Yaponiya), Oliver Hegi (İsveçrə), Səidrza Keyha (İran), Filip Ude (Xorvatiya), Siril Tommazone (Fransa), Kohey Kameyama (Yaponiya), Nəriman Qurbanov (Qazaxıstan), Venq Hao (Çin) vəsiqə qazanıb.

Qeyd edək ki, Bakıda Milli Gimnastika Arenasında kişi və qadın idman gimnastikası üzrə FIG Dünya Kuboku çərçivəsində yarışların ikinci günü keçirilir.

Martın 17-nə qədər davam edəcək yarışların ilk günündə təmsilçilərimizdən Murad Ağarzayev (sərbəst hərəkətlər), Nikita Simonov (halqalar) və Marina Nekrasova (dayaqlı tullanma) final mərhələsinə vəsiqə qazanıblar.

Dördgünlük turnir Tokio-2020 Yay Olimpiya Oyunlarına vəsiqə qazanmaq istəyən gimnastlar üçün mühüm keçid rolunu oynayacaq. Belə ki, olimpiyadaya təsnifat xarakterli bu yarışda iştirak etmək üçün 41 ölkə qeydiyyatdan keçib. Medallar və lisenziya xalları uğrunda isə 121 kişi və 49 qadın idman gimnast mübarizə aparır.

Milli.Az