İdman

“Qarabağ” Rəşad Sadıqovu istəyir

22 Yanvar 2011 16:28
Baxış: 1 005
VTB-də minimal faiz dərəcəsi ilə nağd kredit 9.9%-dən
Dünən "Qarabağ"ın Antalyada məskunlaşdığı oteldə maraqlı hadisələr baş verib.
Premyerliqa.az-ın məlumatına görə, klubun prezidenti Tahir Gözəl, PFL prezidenti Ramin Musayev, Azərbaycandan olan KİV nümayəndələri və "Qarabağ"ın kollektivinin iştirakı ilə görüş keçirilib. Görüşdə "Qarabağ"ın əldə etdiyi uğurlar, Azərbaycanın son illər Avropadakı fəxri olması vurğulanıb.

Klubun rəsmi saytı xəbər verir ki, Tahir Gözələ ünvanlanmış "Qarabağ" son 2 ildə Avrokuboklarda uğurlu çıxışı ilə "Qafqazın Barselonası" ləqəbini qazanıb. Siz ötən avrokuboklar öncəsi "kəmərlərinizi bərkidin, Qarabağ" gəlir" demişdiniz. Sonda da "Qarabağ"ın böyük uğurları baş tutdu. İndi də eyni şüarı burdan səsləndirə bilərsinizmi?" sualı kub prezidentini mütəəsirləndirib.  

Bu görüşdən sonra Tahir Gözəl klubdaxili bir toplantı gerçəkləşdirib. "Qarabağ"a olan ümidlər, Avrokuboklarda komandaya yönələn inamın reallığa çevrilməsi yönündə o, lazım olan hər şeyin edilməsini istəyib.

Tahir Gözəl son 2 ildə komandanın Avrokuboklarda əldə etdiyi uğurlarda əsas pay sahiblərindən olan Rəşad Sadıqovun da komandaya qaytarılmasını istəyib. Hazırda Türkiyənin "Eskişəhərspor" komandasında çıxış edən Rəşad Sadıqovun "Qarabağ"a qaytarılması ilə bağlı müvafiq şəxslərə göstəriş verən Tahir Gözəl millimizin kapitanının komandaya geri dönməsinin vacib olduğunu qeyd edib.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.