İspaniyanın "Xetafe" klubunun baş məşqçisi Kiki Sançez Flores gözlənilmədən vəzifəsindən istefa verib.
Milli.Az qol.az-a istinadən xəbər verir ki, bu barədə 50 yaşlı mütəxəssisin özü açıqlamasında deyib.
Flores keçirdiyi mətbuat konfransında istefasının səbəbini belə izah edib: "Daha öncə üzləşdiyim xoş olmayan vəziyyətlə yenidən qarşılaşmamaq üçün istefa verdim. Doğru qərar verdiyimi düşünürəm. Rəhbərliyə, futbolçulara və azarkeşlərə təşəkkür edirəm".
Qeyd edək ki, son turda evdə "Espanyol"u 2:1 hesabı ilə məğlub edən "Xetafe" 26 xalla turnir cədvəlinin 13-cü pilləsində qərarlaşıb.
Milli.Az