İdman

"Xəzər Lənkəran" İngiltərəyə üz tutdu: "Ciddi dəyişikliklər olacaq"

3 Noyabr 2014 16:42

0 Şərh Baxış: 1 191

VTB-də minimal faiz dərəcəsi ilə nağd kredit 9.9%-dən

#AZERBAİJAN #İDMAN

"Xəzər Lənkəran" mərkəzi stadionu təmirə bağlanır. Milli.Az xəbər verir ki, bu barədə apasport.az saytına "Xəzər Lənkəran" klubunun vitse-prezidenti Tuyqun Nadirov məlumat verib.

O bildirib ki, Topaz Premyer Liqasında yaranan fasilə zamanı arenanın ot örtüyündə bərpa işləri aparılacaq. Bu məqsədlə İngiltərədən mütəxəssislər dəvət edilib.

"Stadionda bərpa işləri aparmaq üçün ev oyunlarımızı başqa arenada keçirməli idik. Cənub bölgəsində başqa normal stadion olmadığından, Bakıda oynamalı idik. Belə olacağı təqdirdə azarkeşləri futbolsuz qoyacaqdıq. Ona görə də stadionda bərpa işləri görmək mümkün olmurdu. Elə noyabrda yaranan 20 günlük fasiləni gözləyirdik. İngiltərədən mütəxəssislər dəvət etmişik. Həmin əcnəbi mütəxəssislərlə hələ sentyabrda danışmışıq. Onlar da meydançada görüləcək işlər barədə hesabat hazırlayıblar. İndi fasilədən istifadə edib, müəyyən işlər görüləcək. İstisna deyil ki, yaz aylarında əsaslı təmir işləri görülsün. Əgər rəhbərlik təsdiqləsə, gələn il ciddi dəyişikliklər olacaq", - Nadirov bildirib.

Vitse-prezident vurğulayıb ki, Lənkəranda süni örtüklü meydança düzəltmək fikrində deyillər: "Əsaslı təmir zamanı süni örtüklü meydançaların yaradılmasının qəti əleyhinəyik. Yəni, belə bir şey nəzərdə tutulmayıb. Biz ancaq təbii örtüklü meydançalar düzəltmək və onları yaxşı vəziyyətə gətirmək istəyirik".

Milli.Az