İdman

Millimiz növbəti mərhələdə

29 Oktyabr 2014 10:34
0 Şərh     Baxış: 829
VTB-də minimal faiz dərəcəsi ilə nağd kredit 9.9%-dən
#İDMAN

Dünən 17 yaşadək futbolçulardan ibarət komandalar arasında Avropa çempionatının ilkin seçmə mərhələsində III turun oyunları keçirilib.

Milli.Az qol.az-a istinadən xəbər verir ki, milli komandamız qrupun son görüşündə Bosniya və Herseqovina yığması ilə qarşılaşıb.
 

İki oyundan sonra aktivində 3 xal olan komandamız növbəti mərhələyə yüksəlmək üçün bu görüşdə mütləq qələbə qazanmalı idi. Belçikanın Eisden şəhərindəki "Patro Eisden" stadionunda keçirilən oyunun əsas vaxtında qalib müəyyənləşməyib - 1:1.

Penaltilər seriyasında daha dəqiq oynayan Bosniya və Hersoqovina yığması növbəti mərhələyə yüksəlib. Qrupun digər matçında Belçika İsveçrə ilə üz-üzə gəlib. Bu görüş Belçika millisinin qələbəsi ilə başa çatıb - 1:0. Beləliklə, Belçika yığması qrupda birinci, Bosniya və Hersoqovina isə ikinci pilləni tutub.

Yığmamız ilkin seçmə mərhələdə ən yaxşı göstəriciyə malik üçüncü yeri tutmuş komandalardan biri kimi növbəti mərhələyə vəsiqə qazanıb.

Qeyd edək ki, ilk oyunda Belçikaya 0:3 hesabı ilə uduzan yığmamız ikinci matçında İsveçrəyə qalib gəlib - 2:1.


28 oktyabr

İsveçrə - Belçika - 1:0
Qol: Quillemenot, 40 (1:0)

Bosniya və Herseqovina - Azərbaycan - 1:1 (Penaltilər seriyası - 4:3)
Qollar: Denis Zeriç, 11 (1:0), Oruc İsmayılov, 26 (1:1)

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.