İdman

AFFA klubları cəzalandırdı

28 Oktyabr 2014 14:29
0 Şərh     Baxış: 715
VTB-də minimal faiz dərəcəsi ilə nağd kredit 9.9%-dən
#AZERBAİJAN #İDMAN #AZƏRBAYCAN FUTBOLU

Bu gün AFFA İntizam Komitəsinin iclası keçirilib.
 

Milli.Az-ın PFL-in rəsmi saytına istinadən yaydığı xəbərə görə, İK Azərbaycan Kubokunun 1/16 final mərhələsində və Premyer Liqanın 9-cu turunda baş verən hadisələrlə bağlı müvafiq qərarlar çıxarıb.
 

Azərbaycan Kubokunun 1/16 final mərhələsinin MOİK - "Lokomotiv" matçında MOİK klubunun 4 futbolçusunun sarı vərəqə ilə cəzalandığı üçün klub 100 manat cərimə olunub.
 

Azərbaycan Kubokunun 1/16 final mərhələsinin "Qaradağ Lökbatan" - "Zirə" matçının 55-ci dəqiqəsində "Zirə" klubunun futbolçusu Tural Adıgözəlov rəqibi təhqir etdiyinə görə birbaşa qırmızı vərəqə alaraq meydandan kənarlaşdırıldığı üçün 3 oyun cəzalanıb, klub 200 manat cərimə olunub.
 

Azərbaycan Premyer Liqasının IX turunun AZAL - "Bakı" matçının 77-ci dəqiqəsində "Bakı" klubunun futbolçusu Vüqar Bəybalayev ikinci sarı vərəqə alaraq meydandan kənarlaşdırıldığı üçün 1 oyun cəzalanıb, klub 200 manat cərimə olunub
 

Azərbaycan Premyer Liqasının IX turunun "Qəbələ" - "Sumqayıt" matçından sonra keçirilən mətbuat konfransında "Sumqayıt" klubunun baş məşqçisi Aqil Məmmədov hakimlərin idarəçiliyi haqqında qeyri-etik ifadələr işlətdiyinə görə, klub 2000 manat cərimə olunub.
 

Azərbaycan Premyer Liqasının IX turunun "Neftçi" - "İnter" matçının 61-ci dəqiqəsində "Neftçi" klubunun azarkeşləri tərəfindən pirotexniki vasitələrdən istifadə etdiyinə görə klub 1000 manat cərimə olunub.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.