İdman

"Kral"ın iki cəngavəri mükafatlandırıldı - FOTO

28 Oktyabr 2014 12:30

2 Şərh Baxış: 1 236

VTB-də minimal faiz dərəcəsi ilə nağd kredit 9.9%-dən

#İDMAN #REAL MADRİD

Dünən keçirilən mərasimdə ötən mövsüm üçün La Liqanın ən yaxşıları müəyyənləşib. Milli.Az goal.az-a istinadən xəbər verir ki, təqdim olunan nominasiyalarda daha çox "Real Madrid"in oyunçuları fərqləniblər.

2013/14 La Liqa mövsümündə ən yaxşı qapıçısı "Levante"nin keçmiş" üzvü, hazırda isə "Real Madrid"in uğurları üçün çalışan Keylor Navas olub. O, ötən mövsüm qapısını 16 oyunda toxunulmaz saxlaya bilmişdi. "Malaga"nın eks-qolkiperi Villi Kabalyero 2-ci, "Atletico Madrid"in sabiq qapıçısı Tibo Kurtua isə üçüncü olub. Hər iki qapıçı hazırda karyeralarını İngiltərə Premyer Liqasında (red. "Manchester City" və "Chelsea") davam etdirir.

Mərasimdə mükafatlandırılan daha bir "Real Madrid"li Luka Modriç olub. Xorvat futbolçu ötən mövsümün ən yaxşı hücumameylli yarımmüdafiəçisi adını qazanıb. Modriç Primeroda yalnız 1 dəfə fərqlənsə də, komandasının hücumlarının qurulmasında böyük həcmdə iş görməsi ilə seçilib. "Atletico Madrid"dən Qabi 2-ci, "Barcelona"dan Serxio Buskets isə 3-cü olub.

Milli.Az