İdman

Bu il "Qızıl top" kimin ola bilər?

28 Oktyabr 2014 10:19

9 Şərh Baxış: 2 311

VTB-də minimal faiz dərəcəsi ilə nağd kredit 9.9%-dən

#İDMAN

Beynəlxalq Futbol Federasiyaları Assosiasiyası (FİFА) 2014-cü ildə kişilər arasında "Qızıl top" mükafatı üzrə qısa siyahını dərc edib. Trend xəbər verir ki, bu barədə TASS agentliyi təşkilatın rəsmi saytına istinadən məlumat yayıb.

Futbolçuların siyahısına 23 oyunçu daxil edilib: Qaret Beyl (Uels), Kərim Benzema (Fransa), Dieqo Kosta (İspaniya), Tibo Kurtua (Belçika), Anxel Di Mariya (Argentina), Kriştianu Ronaldu (Portuqaliya), Mario Qetse (Almaniya), Eden Azar (Belçika), Zlatan İbrahimoviç (İsveç), Andres İnyesta (İspaniya), Toni Kroos (Almaniya) və başqaları.

Üç favoritin adı dekabrın 1-də məlum olacaq, qalib isə 2015-ci il yanvarın 12-də Sürixdə keçirilən mərasimdə elan ediləcək.

Ötən ilin yekunları üzrə "Qızıl top"a "Real"ın portuqaliyalı hücumçusu Kriştianu Ronaldu layiq görülmüşdü.

FİFA 2014-cü ilin ən yaxşı məşqçisi adına nominantları da açıqlayıb: Joze Mourinyo (Portuqaliya), Karlo Ançelotti (İtaliya), Antonio Konte (İtaliya), Xosep Qvardiola (İspaniya), Yurgen Klinsman (Almaniya), Yoahim Löv (Almaniya), Manuel Pelleqrini (Çili), Alexandro Sabelya (Argentina), Dieqo Simeone (Argentina), Lui van Qal (Niderland).

2013-cü ilin yekunları üzrə Münhenin "Bavariya" futbol klubunda çalışan Yupp Haynkes ilin ən yaxşı məşqçisi adına layiq görülmüşdü.

Milli.Az