İdman

Sabiq futbolçusu "Araz-Naxçıvan"ı ələ saldı: "Pulsuz konsert verirlər"

27 Oktyabr 2014 14:58
0 Şərh     Baxış: 1 851
VTB-də minimal faiz dərəcəsi ilə nağd kredit 9.9%-dən
#AZERBAİJAN #İDMAN

"Mənim heç kimlə problemim olmayıb. Güclü futbolçular həmişə oynayır, zəiflər isə kənardan baxır. Yəqin, mən də zəifəm". Milli.Az xəbər verir ki, bu sözləri apasport.az saytına açıqlamasında "Araz-Naxçıvan" klubundan kənarlaşdırılan yarımmüdafiəçi Elnur Abdulov deyib.
  

Bölgə klubundan qovulmasına aydınlıq gətirən gənc futbolçu "Araz-Naxçıvan"dakı vəziyyətin gülməli olduğunu bildirib: ""Simurq"a 0:4 hesabı ilə uduzduğumuz oyundan sonra iclas oldu. Bir neçə futbolçunun komandadan ayrılacağını dedilər. Biri də mən idim. Artıq klubla yollarım ayrıldı. Bu gün Bakıya gələcəm. İclasda yaşananlarla bağlı çox danışmaq istəmirəm. Sadəcə, kim gülmək istəyirsə, "Araz-Naxçıvan"a gəlsin. Çox gülməli vəziyyətin olduğunu görəcəklər. Klubda "pulsuz konsert" verirlər".
  

Qeyd edək ki, Topaz Premyer Liqasının IX turunda Zaqatalada "Simurq"a 0:4 hesabı ilə uduzan "Araz-Naxçıvan"da klubdaxili iclas olub. Klub rəhbərliyi komandanın uğursuz çıxışını araşdırıb və 4 futbolçu ilə yolları ayırmaq qərarına gəlib. Bunlar Elgiz Kərəmli, Qərib İbrahimov, Kamil Nurəhmədov və Elnur Abdulovdu.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.