İdman

Oleq Molla: ""İnter"in bəxti gətirdi"

12 İyul 2014 13:49
0 Şərh     Baxış: 1 248
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən
#AZERBAİJAN #İDMAN #AVROPA LİQASI #MOLDOVA, REPUBLİC OF
Milli.Az xəbər verir ki, Moldovanın "Tiraspol" klubunun yarımmüdafiəçisi Oleq Molla Avropa Liqasının birinci təsnifat mərhələsində Bakı "İnter"inə qarşı keçirdikləri cavab matçından (1:3) sonra azerisport.az saytının suallarını cavablandırıb.

- Matçla bağlı nə düşünürsüz?

- Birinci hissədə yaxşı oynadıq. Qol vurduq, önə keçdik. Qoldan sonra oyunda dönüş yaratmaq olardı. Amma bu, bizdə alınmadı. İkinci hissədə isə oyunumuz getmədi.

- Amma qol vəziyyətləriniz oldu...

- Hə. Elə ona görə daha çox məyusuq. Əgər onlardan istifadə edə bilsəydik, indi "Elfsborq"la oyunlar barədə düşünürdük.

- "Tiraspol"da nə çatmadı?

- Biz elə səhvlər buraxmamalıydıq. Çünki ona qədər oyunumuz pis getmirdi. Üstünlüyümüzü qoruya bilmədik.

- "İnter" güclü idi?

- Xeyr. "İnter" elə də güclü komanda deyil. Onları keçmək olardı. Amma onların bizi iki dəfə məğlub etməsini nəzərə alsaq, "İnter"in "Tiraspol"dan zəif olduğunu demək düzgün olmaz.

- Penalti epizodlarını necə dəyərləndirirsiz?

- Əgər hakim belə qərar verdisə, deməli, hər şey düzdü. Burada başqa məna axtarmaq lazım deyil. Amma buna rəğmən, "İnter"in bəxtinin gətirdiyini düşünürəm.

Milli.Az
Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.