Ən bahalı və ən ucuz futbol millisi

Dünya çempionatına qatılacaq 32 komanda arasında ən ucuz heyət Hondurasa məxsusdur

Futbol üzrə dünya çempionatının başlamasına iki gün qalıb.

Milli.Az anspress-ə istinadən DÇ-2014-lə bağlı maraqlı xəbərləri davam etdirir.

DÇ-2014-ün ən bahalı komandası İspaniyadır. "Transfermarkt"ın hesablamalarına görə, dünya çempionu və builki yarışın əsas favoritinin dəyəri 622 milyon avrodur. İspaniyanı 562 milyon avro ilə Almaniya izləyir. İlk "üçlüy"ü Braziliya millisi qapayır - 467 milyon avro.

Fransanın 411 milyon avro ilə 4-cü olduğu siyahıda dünyanın ən bahalı futbolçusu Lionel Messinin forma geyindiyi Argentina 5-ci olub - 391.5 milyon avro.

DÇ-2010-un finalçısı, həlledici matçda İspaniyaya yenilən Hollandiya ilk "onluğ"a düşə bilməyib. "Narıncılar" 207.5 milyon avro ilə 11-ci yeri tutub.

Dünya çempionatına qatılacaq 32 komanda arasında ən ucuz heyətə Honduras sahibdir. Bu komandanın heyətinə, ümumilikdə 21 milyon avro qiymət qoyulub.

DÇ-2014-ə qatılacaq şimal qonşumuz Rusiyanın 183.5 milyon avro qiyməti var. Ruslar siyahının 14-cü pilləsini tutur. Cənub qonşumuz İranın heyətinə isə 24.1 milyon avro qiymət qoyulub. İranlılar bu siyahıda yalnız Avstraliya və Hondurası qabaqlaya bilib.

1. İspaniya - 622 milyon avro
2. Almaniya - 562 milyon avro
3. Braziliya - 467 milyon avro
4. Fransa - 411 milyon avro
5. Argentina - 391.5 milyon avro
6. Belçika - 348 milyon avro
7. İngiltərə - 334 milyon avro
8. İtaliya - 323 milyon avro
9. Portuqaliya - 297 milyon avro
10. Uruqvay - 217.6 milyon avro
11. Hollandiya - 207.5 milyon avro
12. Xorvatiya - 193 milyon avro
13. Kolumbiya - 190 milyon avro
14. Rusiya - 183.5 milyon avro
15. İsveçrə - 178 milyon avro
16. Çili - 139.3 milyon avro
17. Kot`D-İvuar - 121.7 milyon avro
18. Kamerun - 118.5 milyon avro
19. Bosniya və Hersoqovina - 115 milyon avro
20. Yaponiya - 98 milyon avro
21. Meksika - 96.5 milyon avro
22. Qana - 96.3 milyon avro
23. Nigeriya - 87 milyon avro
24. Yunanıstan - 79.9 milyon avro
25. Ekvador - 62.8 milyon avro
26. ABŞ - 57.8 milyon avro
27. Əlcəzair - 57.2 milyon avro
28. Cənubi Koreya - 51.9 milyon avro
29. Kosta Rika - 29.6 milyon avro
30. İran - 24.1 milyon avro
31. Avstraliya - 21.3 milyon avro
32. Honduras - 21 milyon avro

Milli.Az